welcome

Welcome our visitors that come to visit us on our Blog
This blog reflects the views of its owners only
You have the right to agree or disagree with our views

مرحباً بكل زائر يدخل على مدونتنا
هذه المدونة تعبر عن آراء أصحابها فقط
لك الحق أن تتفق أو لا تتفق مع آراءنا
الصفحة الرئيسية للمدونة على الفيسبوك :( https://www.facebook.com/pages/Egyptian-Sokrat-egygirl-mn2ota-Blog/254929104594264 )

Adver.

Mar 29, 2012

هل أنا عورة ؟؟؟


    • فعلاً أنا عورة

      دي نظرة المجتمع لأي جيبة أو بنطلون فوقة بلوزة معدية .
      علشان كدا محدش يتعجب لما يشوف منقبات بيتم التحرش بيهم .

      في أبتدائي كان أسم الأم من أكبر المحرمات
      يعني ببراءة الطفولة لما تسالي بنت : أسم مامتك أيه ؟ .... متردش


      طب لية ؟؟

      ماما قالتلي أن أسم الست عورة .




      وأعدادي لو أتكلمت بصوت عالي ... عيب أنتي بنت ...
      يعني أيه ..... متكلمش ؟


      لأ .. اتكلمي بس براحة خالص ....


      ليه ؟


      لأن صوت المراءة عورة .





      أما الثانوية ... لو ضفيرتك بانت من تحت الطرحة تبقي من الفواجع ....


      ليه يعني ؟؟

      لا لا .... شعر البنت عورة !!!




      أما الجامعة ... وبعض الجامعات الأقليمية والكليات إللي بتتميز بكثرة البنات إللي كلهم عورة طبعاً ومعظهم من الأرياف

      فالغير منقبة بتشوف معاملة سيئة جداً

      لدرجة ان بعض البنات في الكلية تنقبوا ليحظو بمكانة رفيعة عند الدكاترة .

      ممكن تضحك وترفع النقاب وترقص في المدرج قبل دخول الأولاد والدكتور ، لكن لما يجوا تتحول إلى كائن عارف كل الأسئلة

      وكائن بيلم أشتركات

      والكائن المتحدث باسم الدفعة ... طب أيه يا جدعان ؟؟؟

      وجة المراءة عورة .



      طيب بتشوفي أزاي وأنتي تحت النقاب حاطة شاشة سودا ....

      أصل عين المراءة عورة !



      الأستنتاج أن

          الاسم عورة

      + والصوت عورة

      + والشعرعورة

      + والوجه عورة

      + والعين عورة

                           = المراءة عورة .

        وهو المطلوب أثباته .

      وللأسف النهاردا أتصدمت لما سمعت من دكتورة جامعية مثقفة

      بتقول : أن اللة خلق المراءة للمتعة فقط !!!

      طب في أقتراح حلو ..... ليه ميبقاش فيه أنفاق خاصة للأنثوات فقط ؟

      مش منعاً للأختلاط لاسمح الله ........... لكن النتيجة الطبيعية أن ثاني اوكسيد الكربون الخارج منها عورة


      وممكن نأخد ثاني أكسيد الكربون دا نولع فيه لمنع إثارة الشهوات





      كلامي دا كله مش جديد لكنها بجد صرخة من ملايين الحناجر رقيقة الصوت إللي سكتت كتير لعدم إهلاك الرجل بمفاتن صوتها ... أرحمونا .......





      مش هاقارن مصرنا بأي بلد تانية


      مش هاقارن بناتنا بأي بنات تانية

      لكن ...... إن كان للمراءة صوت أعتقد أنهم محتاجينه فقط في الأنتخابات
      طيب ترضي على دقنك أنك تنجح في الأنتخابات بعورة .....


      دا أول مقال لماريا عزت على المدونة

No comments: