welcome

Welcome our visitors that come to visit us on our Blog
This blog reflects the views of its owners only
You have the right to agree or disagree with our views

مرحباً بكل زائر يدخل على مدونتنا
هذه المدونة تعبر عن آراء أصحابها فقط
لك الحق أن تتفق أو لا تتفق مع آراءنا
الصفحة الرئيسية للمدونة على الفيسبوك :( https://www.facebook.com/pages/Egyptian-Sokrat-egygirl-mn2ota-Blog/254929104594264 )

Adver.

Mar 15, 2012

زواني هذا العصر

في يوم شربت كوبايه شاي بالنعناع كبييره وبعدها قعدت افكر ازاي المسيح يسمح لنفسه انه يقعد مع العشار والزواني ؟ طيب لو انا زي المسيح يبقي لازم أعمل زيييه نقعد معاهم برضوا
مش لازم يبقوا عشارين وزواني حرفيا بس علي الاقل ناس الخطيه باينه في حياتهم عكسنا احنا بتوع الكنايس اللي  عارفين نترسم علي الناس كويس اوي وعاملين فيها ملايكه هذا العصر
يالا مش دي القضيه عشان انا ما بصدق افتح في الموضوع ده
العشار يعني اللي بيعمل خطايا كتيير بس ممكن تبقي الخطايا العاديه اللي هي منتشره اليومين دول -كام شتيمه علي كام كلمه مش بناءه علي كام هزاره ملهاش لزمه علي كام تقصير مع ربنا والقعده معاه وطبعا كل ده مش قدام الناس - انا بكتب علي الفيس بوك ترانيم وايات وعندي نص الفرندس خدام ومرنمين
طيب الزواني؟؟؟؟؟
لأ ده كده الموضوع بدأ يدخل في أعراض - الزواني دول الناس اللي الخطيه في حياتهم واضحه جدا (مفضوحه يعني )
كام سيجاره محشيه كانت او مش محشيه علي كام واحد ملهوش في الديين ولا ليه في أئ شئ غير يشتم في 
 النااس ويسبب ال ........ 
يه انا زودتها صح ؟ معلش  
بعد ما خلصت كوبايه الشاي ودخلت في شرب البيبسي طلعت بنتيجه رهييبه
غير ان اسناني وجعتني طبعا من شرب السخن وبعيده الساقع
اكتشفت ان ربنا جه علي الارض علشان المرضي مش الأصحاء
جه علي الأرض علشان كل الخطاه اللي أولهم أنا
جه علي الأرض علشان يعلمني أبقي شبهه 
يعني أصحابك اللي انت مصاحبهم من ورا اهلك علشان دينهم مختلف او عشان هما فاسدين - ولا اصحابك اللي مكسوف تمشي معاهم عشان لسانهم فالت بين الشتيمه والشتيمه كلمه - ولا اصحابك اللي بتقابلهم في المظاهرات والمسيرات يقعدوا يسبوا الديين او تلاقيهم اصلا ملحديين 
لازم اقرب منهم مش اقرف منهم واقولهم يااي انتوا ناس من عالم تاني - انا ربنا مديني نعمه اني ابقي ولد/بنت كويس مش زيكم معندكوش مبادئ ولا اخلاق
اللي عايزه اوصله بعد ما ملقتش حاجه اشربها 
 فيه ايه في الكتاب بتقول - صرت لليهودي كيهودي واليوناني يوناني والذين بلا ناموس كاني بلا ناموس علشان اربح كل الناس دي للمسيح
دلوقتي لا الترانيم ولا الوعظ بيجيبوا مع الناس
انت بس مطلوب منك تعاملهم ببساطه - بمحبه - متتكسفش ان اصحابك وحشين - لا ده عادي بس خليك انت اللي مختلف - خليهم دايما يسألوك ليه احنا بنعمل كده وانت مبتعملش زيينا 
لو مسألوش السؤال ده بشكل مباشر أكيد هيبقي جواهم
بالأختصار أرمي بذره في كل واحد تعرفه - ارمي محبه 
لو انت شايف دورك - انك تصلي بس في الكنيسه ؟ 
اوكي اميين انا مقولتش لأ بس خلي عندك دم وأتفاعل مع الجو اللي حواليك شويه مش لازم بشكل سياسي 
بس ميبقاش دورك أنك قاعد في بيتكم تتكلم بس علي فلان وعلان بيعمل ايه وبيقول ايه ؟؟
اذا كنت معندكش الجرأه تتدخل في وسط الناس اللي انا حكييت عليهم دول يبقي تحط لسانك جوه بقك وصليلهم ومتتكلمش عليهم وسيبهم في حالهم
بنت مصريه مسيحيه منقوطه من المسيحين
tota




Oct 2, 2010

بخصوص ما يحدث بدير القديس مكاريوس


الأجهزة المحلية تعتدي على رهبان عُزَل بـ"دير الأنبا مكاريوس السكندري" بـ"وادي الريان" وسط صمت رئاسي (من موقع الاقباط متحدون)
الراهب بولس الأنبا مكاريوس السكندري:
• الرهبان نحتجوا على دخول اللودرات الدير وقالوا للمأمور ما تفعلونه هو إرهاب للرهبان وأنكم تساندون الإرهاب.
• الحكومة تشجع الشرطة والأجهزة المحلية على النعتداء علينا.
• بسبب مشكلة المباني تحرر لي أكثر من 20 محضر من قبل جهاز أمن الدولة وحصلت على أحكامًا بشهرين سجن ولكنها لم تنفذ، وتم تلفيق بعض التهم لي، وحكم عليّ بغرامة 44 مليون جنيه بسبب المباني، و6 مليون دولار لأجل توصيل خط الغاز!!
• جهاز أمن الدولة أطلق على الدير لقب "الدير المهجور".
• نطالب الرئيس محمد حسني مبارك بالتدخل العاجل لوقف هذه المهزلة والإعتداءات التي تحدث من وقت لآخر على الرهبان بالدير.
كتب: جرجس بشرى – خاص الأقباط متحدون
استمرارًا لسلسلة قمع الحريات الدينية في مصر ومنع الحكومة المصرية للمسيحيين من بناء وإقامة شعائرهم الدينية بدعم من مؤسسة الرئاسة والأجهزة الأمنية والمحلية بالدولة، قامت الأجهزة المحلية مؤخرًا مدعومة بجهاز أمن الدولة بالإعتداء على رهبان عُزل بدير القديس مكاريوس السكندري بوادي الريان بمُحافظة الفيوم، تحسبًا لقيام الرهبان بقيام بأعمال بناء داخل الدير.
وقال الراهب بولس الأنبا مكاريوس السكندري في تصريح خاص لـ"الأقباط مُتحدون" أن ثلاثة سيارات ولودارات تابعة للأجهزة المحلية مدعومة بقوة أمنية يقودها مأمور مركز شرطة مركز "يوسف الصديق" بالفيوم ويدعى يوسف الخلاوي، وصلت إلى الدير ومنعت بعض السيارات التي كانت تحمل الطوب الأحمر للدير، وقاموا بنزع اللوحات المعدنية للسيارات التي حمّلت الطوب للدير وحجزوها في القسم، وتهجموا على رهبان الدير، وضربوا أبونا زكريا باللودر.

والغريب أن مأمور القسم أوقف سيارات وجرارات ولودرات من على الطريق العام لتأتي وتُحمل الطوب من الدير إلى القسم.
وأوضح الراهب بولس أن الحكومة المصرية ما زالت تمتنع عن السماح للرهبان العزل بالبناء في الدير، وقد أرسلنا شكاوى إلى رئيس الجمهورية ورئيس الوزراء ولكن دون جدوى، كما أن محافظ الفيوم متواطئ مع الشرطة والأجهزة المحلية، لأنه عندما ذهب أبونا إليشع المقاري "رئيس الدير" إلى محافظ الفيوم لحل المشكلة قالوا له في المحافظة "مش فاضيين" وتهربوا منه كثيرًا.

وأضاف الراهب بولس أنه بسبب مشكلة المباني تحرر له أكثر من 20 محضر من قبل جهاز أمن الدولة وحصل على أحكامًا بشهرين سجن ولكنها لم تُنفذ، وتم تلفيق بعض التهم له، وحُكم عليه بغرامة 44 مليون جنيه بسبب المباني، و6 مليون دولار لأجل توصيل خط الغاز.
وأكد الراهب بولس أن معه أوراقًا ومستندات رسمية تؤكد ذلك، مشيرًا إلى أن الأجهزة المحلية كانت تريد تكسير خط المياة بالدير.
وأشار الراهب بولس إلى أن الرهبان احتجوا على دخول اللودرات الدير وقالوا للمأمور ما تفعلونه هو إرهاب للرهبان وأنكم تساندون الإرهاب، الأمر الذي جعل المأمور يتراجع لأنه ليس معه إذن من النيابة للقيام بذلك.
وقال الراهب بولس: أنا أتعجب من قيام الأجهزة المحلية ومأمور القسم بالقيام بالتعدي على الرهبان علشان شوية طوب داخلين للدير، فنحن نتعبد لله وتركنا العالم ولسنا تجار مخدرات أو آثار أو مجرمين.

وأكد أن الحكومة تشجع الشرطة والأجهزة المحلية على الإعتداء عليهم.
وطالب الراهب بولس الرئيس محمد حسني مبارك بالتدخل العاجل لوقف هذه المهزلة والإعتداءات التي تحدث من وقت لآخر على الرهبان بالدير والمحاولات المستميتة التي تقوم بها الأجهزة المحلية وجهاز أمن الدولة لمنع قيام أبنية للرهبان بالدير.
يُذكر أن الأب متى المسكين كان قد أرسل الراهب إليشع لتعمير الدير، وأن جهاز أمن الدولة سمح للرهبان بالإقامة بالدير بناءًا على تصريح، حيث طلب جهاز أمن الدولة من الراهب إليشع بعد اقتياده إلى جهاز أمن الدولة بالحصول على تصريح من وزارة البيئة للإقامة بالدير.
وتجدر الإشارة إلى أن الرهبان يطلقون على هذا الدير بالدير المحفور ولكن جهاز أمن الدولة أطلق عليه الدير المهجور "كما هو مسجل في أمن الدولة"، وسنوافيكم تباعًا بتطور الأحداث بالدير.

أدخلوا هنا بقى شوفوا الفيديو وباقى الكلام
http://christian-dogma.com/vb/showthread.php?p=153455#post153455