علي عينك ياتاجر

(((((((((((((((((((((((كريم ))))))))))))))))))))))))))
كريم في مسلسل فاطمة بقي ظاهرة تقدروا اتقولوا فارس احلام شريحة كبيرة من البنات المصرين(دة اذا مكنش كلهم) احب انهاردة اقولكم الاسباب الي خليتنا كلنا كابنات مصريات نحب كريم من اول لقطة بغض النظر عن الطول والوسامة والشعر الي بيهفهف\

1-(التضحية)كريم ضحي بمستقبلة وضحي بحياتة وقبل يتجوز فاطمة في الاول خالص رغم نة ملهوش ذنب في اليي حصل.

*عزيزي السواق المصري انت مش بترضي تضحي باجرة النفر  الرابع للكنبة الي ورا وتولع البنات الي قاعدة الي ربنا بس بيبقي اعلم بحالتهم لما يجي السيد ويبتدي يؤدي دورة الذكوري الطبيعي بالتحرش بيهم.
2-(بيخاف عليها وبيحاول يحميهاا)طول الحلقات واحنا بنشوفة بيحميها من مرات اخوها الي تضرب في قلبها او يحميها من عائلة يشران او حتي  بيحميها من نفسة.
*عزيزي الراجل المصري سيادتك لو شفت اي كائن انثوي ماشي في الشارع ولوملقتش حد شايفك مش هاتتردد لحظة واحدة انك تتحرش بيها ولو انت من اياهم هاتسرق شنطتها ولو انت بقي اياهم نفسة هاتشوف اي تاكسي او عربية نص نقل وتاخدها لحتة مقطوعة ...وتبدا مسلسل فاطمة من جديد.
3-(بصاتة)علية بصات لفاطمة فظيعة بصات كدة تحس انة ممكن ياخد رصاصة في قلبة بدالها .
*عزيزي انت مش بتبص للبنت غير في مواضع معينة مش اكتر حتي لو كانت متتشفش ....انت مبيفرقش معاك جمال الشكل المهم جمال...الروح.
4-(اتحمل مرمطة منها)فاطمة بتاعمل كريم بقرف55حلقة واخيرا بتحن علية وبتقولة بحبك دة بنشفان الريق دي لاكانت بتعبرة ولاحتي بتبص في وشة.
*عزيزي المصري لو سيادتك ماشي في الشارع بجلالة قدرك ومن غير قصد طبعا خبطت في كتف بنت واعوز باللة وانت راكب العجلة المرسيدس بتاعة سيادتك وزنقت علي واحدة سهوا طبعا..ولو الغلبانة بس قالتلك ماتفتح..ولاانت اعمي ..ولااامشي علي جنب بتعتربها اجرمت وتستحق الرجم او الحرق حي وياااما ممكن تشتيمها شتيمة من الي هي ياما مش بعيد تجيبها من شعرها ...((حدث بالفعل).

كفاية كدة..طبعا مش بعيد تقولي دي افلام وحركات تمثيل..ارد عليك واقولك عزيزي اتفرج علي السيما بتاعتنا وبتاعتهم عشان تعرف ان السينما بتعكس المجتمع البطل عندنا يااما(حرامي_مختل او مضطرب عقليا_شرير_غلبان وعبيط_معقد_ياما بيبقي عايز حاجة من البطلة)حتي السيما ياجدعان مبقاش فيها رومانثية...

وبما ان زي ماقولت ان السينما تعكس الواقع فهو دة واقعنا بقينا عايشين في غابة مفيهاش حب ولارحمة مش شرط الحب يبقي من الحبيب للحبيبة لكن لية متبصش لكل بنت في الشارع انها اختك هايحصلك اية يعني هايلغوا كلمة ذكر من البطاقة!!!!!

واقعة تحرش قذرة بجامعة المنيا

تدوينة عن واقعة تحرش حصلت في جامعة المنيا

من الدكتور للطالبة ، وما أكثرهم

لكن المرة دى الموضوع مش هيعدي بالساهل

خلونا نقرا التدوينة اللى كتبها رامي عماد عن اللى حصل

ونحلف بعدها مانفرط في حقنا ولا حق اللى حوالينا

لا للتحرش الجنسي 

-----

في البدايه اغلب اللي هكتبه ده حاجات شفتها بعيني او عيشت فيها حتى وان كنت سمعتها من ناس فانا متأكد من كلامهم

في سنه 2007 دخلت مرحله التعليم الجامعي في مصر وانا كنت من الوافدين من الخارج (شهادة معادله) طبعا زي ناس كتير كنت واخد فكره عكس تماما للي شوفته كم مستوى الجامعات في مصر المهم في نص السنه سمعنا اخبار عن حالة تحرش طالب بطالبه وتحويلهم للتحقيق ومجلس كليه والموضوع ده مخدش مساحه من حياتنا زي ما بيقولو عدى مرور الكرام لكن في نفس السنه وفي اخرها كده سمعنا بحالة تحرش دكتور جامعي بطالبه وكالعادة اتكتم على الموضوع ومقدرناش نعرف اي تفاصيل بخصوصه لكن اللي وصل لنا من صديقات البنت دي ان البنت تعبت نفسيا وحاولت تعمل محضر ضد الدكتور ده ولكن فجأه تنازلت وتم تحويلها من الكليه الله أعلم بارادتها ولا غصب عنها مع ان المفروض العكس اللي يحصل لكن خلينا ساكتين .... 

في سنه 2009 حصل واقعة كان صداها اقوى شويه من سابقاتها دكتور في كليه الهندسه (كليه الهندسه موقعها خارج الحرم الجامعي) كان داخل الجامعه بيخلص ورق ولما كان خارج بعربيته شاف بنت كانت صديقة لطالبه تقرب للدكتور ده ... سألها بهزار انتي ايه اللي جابك هنا ؟ قالت : كنت مع اصحابي ورايحه الكليه يا دكتور ... قال : خلاص تعالي انا كده كده رايح الكليه !!! 

هي بفرض حسن النيه وانه دكتور عندها وقريب صاحبتها ركبت معاه !!

اثناء المشوار دار بينهم حوار مقدرناش نعرفه بس اللي شوفناه بعد كده انه عند وصوله باب الكليه البنت كانت منهاره وبتعيط ونزلت من العربيه بتجري طبعا الكل مركز مع اللي بيحصل قام الدكتور نازل من العربيه وبعلو صوته : انتي بنت قليلة الأدب وانا هتخذ معاكي الاجراء القانوني .. طبعا محدش فاهم ايه اللي حصل ؟ .. بعد يومين بدأت البنت تتكلم مع صحباتها واللي وصلنا الكلام منهم انه لمسها وهي في العربيه وهي حاولت تصده ولما لقى انه مفيش فايده هددها وقالها تنزلي من سكات ولا كأن حاجه حصلت !!

هي من خوفها انفجرت في العياط اول ما نزلت بس كالعاده الموضوع اتكتم عليه ومشوفناش البنت دي تاني واصحابها قالو انها حولت جامعة تاني ..

في 2011 دفعة السنه الثالثه عند نفس الدكتور كان بيعمل مقابله للطلاب وبيسألهم في المعتاد انه بيكون البنات بيدخلو الاول وبعد كده الاولاد عشان الوقت... انا كنت واقف اول واحد قصاد المكتب مستني دوري وكان 9 بنات جوه بيخلصوا مقابله وكان الباب مفتوح وانا شايف اللي بيجرى سأل بنت سؤال معرفتش تجاوب قام قالها تعالى اعرفك الاجابه عشان الامتحان النهائي!! قربت البنت من المكتب واديتله الورقه اللي بتجاوب فيها فطلب منها تقرب وتميل عشان يقدر يشوف الورقه (هو كان قاعد على كرسي وهي واقفه) اول ما البنت انحنت ناحية الدكتور انا وجميع الواقفين لاحظنا نظرات عينه تجاه البنت وعلى مناطق في جسمها خلتني انا نفسي اخجل وفجأه طلب مني الانتظار بعيد لحد ما يخلص ونظرة عينه كأنه بيقوللي : ليك شوق في حاجه ؟؟

وبرضه سكتنا ومحدش فتح الموضوع 

في 2012 نفس الدكتور حدد معاد امتحان لطلبة دفعة البكالريوس (انا والطالبه منهم) يوم معين وسأل لو حد عنده مشكله في المعاد يعدي عليا في المكتب وقد كان !!!

بنت من البنات موعد خطوبتها في نفس اليوم!!! اتفقنا اننا نأجل الامتحان عشان البنت وعشان نلحق نستعد احنا كمان .... اتوجهنا كالمعتاد مجموعتين مجموعة طلبه ومجموعة طالبات 

المجموعه الاولى لما اتكلمنا رفض تماما التأجيل و طلب انهاء الحديث بسبب مشغوليته 

( في 2012 اصبح رئيس القسم )

المجموعه التانيه اتكلمو معاه وكان حجتهم ان في بنت خطوبتها في نفس اليوم وكده اما المجموعه مكنش عندهم سبب غير ضيق الوقت كان رده : خلاص خلو صاحبت الشأن تجيلي اخر اليوم ونتفاهم عشان انا مشغول دلوقت !!

راحت البنت واتكلمت معاه وده نقلا عن لسانها : يا دكتور لو سمحت لو في امكانيه نأجل الامتحان يوم واحد عشان خطوبتي في نفس اليوم ومش هعرف اذاكر لو مفيهاش مشاكل ؟

كان رده : ايه المشكله ذاكري قبليها وهيجي سهل ان شاء الله 

هي : يا دكتور طيب امتحان الشفوي ؟

هو : لا متقلقيش خالص من الشفوي انا هديكي الدرجه كامله بس انتي اسمعي كلامي وتعالي اشرحلك!! 

هي : حاضر 

المفروض انه هيشرحلها على ورقه طريقة السؤال وحاجات كده بس اللي حصل انه طلب منها انها تسمع كلامه وتطاوعه !!!!!

قرب منها ومسك ايدها وشدها ناحيته ورمى نفسه عليها (كان عايز يحضنها )

هي صرخت وجريت من المكتب لكن بحكم ان نهاية اليوم وفي فترة امتحانات كان الدور خالي !!!!

كانت بتبكي وهي طالعه على السلالم عشان تقابل صحباتها ....قابلها معيد في نفس القسم وعرف اللي حصل وطلب منها تبلغ اهلها وتعمل محضر في القسم وقد كان !!

لما الموضوع اتطور واهلها راحو الكليه العميد تدخل عشان كانو هيتطاولو على الدكتور وفضل يحل الموضوع ودي على ان الدكتور هيسيب الكليه ويترك منصبه كرئيس للقسم ويمتنع عن التدريس وكان الى حد ما مرضي للطرفين 

بعد 3 ايام وجدنا الدكتور ما زال داخل مكتبه وبيشتغل كأن شيء لم يحدث 

اتوجهنا الى العميد وهددنا بتصعيد الامر والاعتصام اذا متحققتش المطالب 

كان رده انه بيجهز ورقه وهيمشي والاعتصام شيء غير قانوني كان رد احد زملائي عليه : وهو اللي عمله الدكتور ده قانوني ؟

طبعا مردش وحاول يهدي الوضع ووعد بتنفيذ المطالب وهي 

1- تحويل الدكتور للتحقق 

2- فصله نهائيا من وزارة التعليم العالي

3- التعهد بعدم مساسه لاوراق الاجابه في الامتحانات النهائيه

4- تشكيل لجنه لتصحيح الاوراق

جالنا كلام من مصدر موثوق داخل الكليه( دكتور آخر) ان الدكاتره هيقولو للطلاب ان الدكتور الفلاني هيسافر خارج مصر وهيسيب التدريس داخل الكليه (عقد عمل ) من باب التعتيم على اللي جرى 

وفعلا تم وضع اعلانات على القسم ان الدكتور هيسافر وقام الطلاب برفع شكوى لمجلس الكليه وتوقيع جميع الطلبه عليها مقدمه ضد الدكتور في الواقعه المذكوره 

ودي صور من الاعلانات ومن الشكوى المقدمه .

شيّر وساندنا 

اقف معانا ضد التحرش

----

لا للتحرش الجنسي

منقول عن صفحة ثورة البنات

أسم هذا الدكتور نقلاً عن أحد عضوات صفحة ثورة البنات هو ( د. عبد الله الأشعل)

عمرو موسى وخالد على من منظور مجتمع المعرفة

كتب الدكتور نبيل عدلي اليوم الأثنين 21-5-2012 بالمصري اليوم هذا المقال بعنوان :

"عمرو موسى وخالد على من منظور مجتمع المعرفة"

كتب يقول ........ :

أيقن الجميع مدى أهمية الدور الذى لعبته تكنولوجيا المعلومات والاتصالات فى تفجير ثورة 25 يناير، ولا يمكن تحقيق طموحات هذه الثورة الفريدة دون أن تلتحق مصر بركب مجتمع المعرفة صنيعة هذه التكنولوجيا الساحقة، وفى هذا الصدد نشير إلى ما أوصت به منظمة اليونسكو باستخدام مصطلح «مجتمع المعرفة» لمغزاه التنموى بدلا من مصطلح «مجتمع المعلومات» ذى الطابع التكنوقراطى.

وبناء على ذلك فإن اختيارنا لرئيس مصر القادم لابد أن يأخذ فى اعتباره بصورة أساسية مدى قدرة المرشح على قيادة مصر لاجتياز هذه النقلة النوعية الحاسمة فى مسيرة التقدم المجتمعى. وقد أدهشنى حقا إغفال هذا الجانب من قبل جميع برامج المرشحين للرئاسة.

وقد رأى الكاتب أن يتناول القضية من خلال مقارنة بين عمرو موسى وخالد على من منظور مجتمع المعرفة، وذلك لشدة التناقض بينهما مما يبرز الفوارق المحورية التى يمكن تطبيقها بدرجات متفاوته على باقى المرشحين.

هناك أوجه عديدة للمقارنة بين عمرو موسى وخالد على تشمل على سبيل المثال لا الحصر:

■ بين عقل عمرو موسى التقليدى وعقل خالد على الإبداعى.

■ بين خبرة عمرو موسى المتهالكة وقدرة التعلم المتجددة لخالد على.

■ بين خالد على الثائر الحق وعمرو موسى المتمسح بالثورة دون طائل، فمنذ متى يمكن للدبلوماسى أن يكون ثائرا؟!

■ بين عمرو موسى سليل الأعيان وخالد على نصير الفلاحين.

■ بين لغة عمرو موسى الدبلوماسية الملتوية ولغة خالد على المباشرة الواضحة.

وسنكتفى هنا، لضيق المجال، بالتناول التفصيلى للفارق الأول فقط نظرا لصلته الوثيقة بمجتمع المعرفة.

فجوة العقل بين عمرو موسى وخالد على

أمضى كاتب هذه السطور السنوات العشر الأخيرة فى دراسة الصلة بين العقل ومجتمع المعرفة، وكان من أهم أحد دوافعه المأساة التى نكبت بها مصر جراء الخسارة الاجتماعية والحضارية التى نجمت عن حكم حسنى مبارك ذى العقل العنيد شديد التواضع، الرافض للتغيير، المتشبث ببطانة من رجال فاسدين تشبهه عقلياً، ويخشى الكاتب أشد خشية أن تتكرر المأساة ذاتها فى صيغة جديدة إن لم ندرك بوضوح مظاهر الوهن العقلى لعمرو موسى بصفته من أكثر المرشحين احتمالا للقفز على سلطة الرئاسة، فلا يمكن أن يترك مصير مصر ما بعد الثورة رهناً بقدرات أصحاب العقول التقليدية المتواضعة.

يحتاج بناء مجتمع المعرفة ـ أول ما يحتاج ـ من قياداته عقلا مبدعا.

وهناك العديد من مواضع الوهن العقلى لدى عمرو موسى سأكتفى منها بالتالى:

■ سهولة الوقوع فى فخ توهم البساطة، وهو من الأخطاء التى يرتكبها أصحاب العقول التقليدية لعدم إدراكهم مدى التعقد الذى تتسم به مشكلات مجتمع المعرفة، وقد صدق من قال إن العقول المتواضعة كثيرا ما يتصور أصحابها أن هناك حلا سهلا وبسيطا لكل مشكلة معقدة لكنه غالبا ما يكون خاطئا، لكم أدهشنى فى لقاء تليفزيونى يمكن للجميع الرجوع إليه تكرار استخدام عمرو موسى كلمة الحلول السهلة للعديد من مشكلات مصر المزمنة من إزالة الألغام والارتقاء بالعشوائيات، ومن مشكلات التعليم إلى مشكلات الصحة، ومن مشكلات الاقتصاد إلى مشكلات البطالة ومن تعامله مع مجلس شعب معاد له أيديولوجياً وإلى التكيف مع منظمات المجتمع المدنى التى على ما يبدو لم يستوعب دورها بعمق.

■ العجز إزاء المواقف غير المتوقعة، ونشير هنا إلى واقعة دافوس الشهيرة عندما غادر غاضباً رئيس الوزراء التركى رجب طيب أردوجان حلقة النقاش. لقد علل عمرو موسى ـ كما ورد فى مناظرته مع عبدالمنعم أبوالفتوح ـ مغادرة أردوجان غاضبا لعدم منحه فرصة الكلام، واستعصى على جهباذ الدبلوماسية المصرية وفارس أمانة الجامعة العربية أن يدرك ما وراء السلوك المباغت للسياسى التركى المبدع، الذى أراد أن يسجل بموقفه، وبصورة مدوية، مدى انحياز موقف إدارة النقاش المعادى للعرب والانحياز الشديد للموقف الصهيونى، وذلك بمنح شيمون بيريز ضعف الوقت الذى أعطى لفارسنا التركى.

■ اعتزاز العقل المتواضع بإنجازاته التافهة: ففى ذات المناظرة اتهم عمرو موسى خصمه بأنه استولى على بعض ثمرات إبداعه الفكرى وذلك ـ صدق أو لا تصدق ـ باستخدام أبوالفتوح مصطلحى المائة يوم الأولى والجمهورية الثانية، رغم كون هذه المصطلحات من أبجديات الخطاب السياسى التى يتواتر استخدامها كثيرا منذ زمن.

■ الوقوع فى خطأ المنطق المعروف بـ«خطأ بديلين لا ثالث لهما»: وقد تجلى ذلك بوضوح فى تعليل عمرو موسى لسقطته الشهيرة عندما أعلن موافقته على بديل إعادة انتخاب حسنى مبارك بدلا من توريث نجله، وكان هناك أكثر من بديل لإبداء اعتراضه على التوريث صراحة دون ذكر حسنى مبارك، خاصة أن عمرو موسى قد أعلن رأيه فى مناخ سياسى كان يشير بشدة إلى احتمال انتخاب حسنى مبارك لفترة رئاسية سادسة، وهناك بديل آخر يتطلب قدراً من شجاعة الرأى بأن يرفض عمرو موسى البديلين معا، ولكن من أين تأتيه الشجاعة فى أمر يتعلق بولى نعمته؟!

■ خطأ التعليل أو التبرير: عندما واجهه عادل حمودة بحصوله على مكافأة نهاية خدمة قدرت بخمسة ملايين دولار ولم ينكر صاحبنا الذى يريد البعض أن يكون مسؤولاً عن العدالة الاجتماعية، وبإشارة استظراف سخيف كاد يرد صاحبنا على عادل حمودة «يا عالم يا شر بطلوا أر»، مبررا ذلك بأنه قد حصل على المكافأة من ميزانية جامعة الدول العربية وليس من مصر، وكأن مصر لا تسهم بنصيب فى هذه الميزانية، والأدهى من ذلك أن عمرو موسى يقبل هذه المكافأة السخية رغم أنه خير العارفين بأن جميع منظمات الجامعة العربية تشكو من نقص شديد فى الميزانية ويكفى مثالا هنا أن ميزانية المنظمة العربية للتربية والثقافة والعلوم (اليكسو) تبلغ ميزانيتها 4 ملايين دولار فقط.

■ خطأ التضليل لدافع شخصى: لم يعترض عمرو موسى اعتراضا واضحا على حكم حسنى مبارك باستثناء السنوات الخمس الأخيرة التى وصفها بـ«الكارثية» وذلك بدافع شخصى لتحاشى نقد فترات حكم مبارك التى عمل فيها سفيرا ووزيرا ومندوب مصر فى الأمم المتحدة، واختياره من قبل مبارك ليشغل منصب أمين عام الجامعة العربية، ومن الغريب أن يعتبر عمرو موسى أن السنوات العشر الأول من حكم مبارك كانت سنوات جيدة، وذلك رغم أنها أخطر الفترات فى تشكيل عقلية الرئيس المخلوع وبلورة سياسته واستراتيجيته التى تسببت فى أعظم النكبات لمصر، ويكفى هنا أن هذه السنوات العشر هى التى شهدت حرب العراق التى أسهم حسنى مبارك فى اندلاعها إسهاماً مباشراً لخدمة المصالح الأمريكية والإسرائيلية، ولنرجع فى ذلك لمحاضر اجتماعات وزراء الخارجية العرب فى هذه الآونة. أصبح بناء مجتمع المعرفة بحاجة ماسة إلى ما بات يعرف بـ«الإبداع الاجتماعى»، ذلك الإبداع وليد الذكاء الجمعى النابع من تفاعل الجماعات وتشارك أفرادهم واستغلال القدرات الذاتية والموارد المحلية فى حل المشكلات، وخالد على ـ بلا ريب ـ مثال فذ للإبداع الاجتماعى.

إن خالد على يعترف بأنه يحلم، ولا حل للمشكلات المستعصية التى تواجه مصر إلا على يد أصحاب الأحلام، شريطة أن تكون مقرونة بإجراءات عملية واقعية لتنفيذها دون الإسراف فى الوعود مثلما يفعل عمرو موسى، ولا يبادر خالد على بحل مقترح دون أن يتبعه بقائمة محددة وواضحة من الخطوات العملية لتحويل رؤاه المبدعة إلى واقع، وهل هناك ما هو أكثر واقعية من أن يأتى خالد على للقاء تليفزيونى يحمل معه أكياساً بها عينات من الرمل الزجاجى، وغيره من ثروات مصر التعدينية إضافة إلى الإحصائيات ودراسات الجدوى!

ولهذا رفض عمرو موسى وأحمد شفيق وغيرهما من المرشحين مناظرة خالد على الذى كان بالحتم سيطيح بهم جميعاً لكونه مبدعاً حقيقياً.

إلى هنــــــا أنتهى المقال

هأقتتطع الجملة الأخيرة وأكد عليها

ولهذا رفض عمرو موسى وأحمد شفيق وغيرهما من المرشحين مناظرة خالد على الذى كان بالحتم سيطيح بهم جميعاً لكونه مبدعاً حقيقياً.

ودا اللينك الأصلي للمقال على موقع المصري اليوم

عمرو موسى وخالد على من منظور مجتمع المعرفة

تحياتي للجميع

خالد علي ... شجرة مثمرة نبتت علي أرض العواجيز

يقول الخال الأبنودى " آن الآوان ترحلي يادولة العواجيز "

والمؤكد أنه لم يكن لأحد في دولة العواجيز أن يتوقع ما قد يثيره هذا الشاب الصغير في الشارع المصرى من حراك ونقاشات متتالية بمجرد طرح اسمه كمرشح للرئاسة ..

تقدم للترشح بعد أتم الأربعين سنة بشهر أو شهرين لكنه برغم صغر سنه يحمل على كتفه تجربة ناضجة وواعية ونضال مستمر في وقت كانت قد احتجبت فيه معظم الأسماء المطروحة حاليا للترشح وآثرت السلامة والمهادنة مع نظام المخلوع مبارك وقتها

لم يتخيل أحد في دولة العواجيز أن يحتل " خالد علي " أصغر المرشحين سنا صدارة المشهد في كم المتعاطفين والمقتنعين به وببرنامجه ولباقته في الحديث .. وليس بغريب أن تجد أنصار بعض المرشحين للرئاسة يقولون نحن نحترم ونقدر " خالد علي " إنه شاب هائل وبرنامجه من أعظم البرامج الرئاسية التى قدمها مرشح بل قد نبدوا أكثر إنصافا إن قلنا إن برنامجه أهم وأشمل برنامج انتخابي لمرشح رئاسي

" خالد علي " الذي عمل بالملاهى عاملا عاديا لمساعدة أسرته وللصرف على إخواته وعمل حمالا للأرز فى مضرب أرز، ثم عاملا فى مصنع للبسكويت وبعد أن ترشح للرئاسة لازال يركب " التوكتوك " في تنقله ورصيده في البنك لا يتعدى احدى عشر ألف جنيه من عمله في المحاماه إنه " لولا داسليفا" مصر على غرار رئيس البرازيل السابق الذي ولد فقيرا وكان عاملا عاديا حتى استطاع الفوز برئاسة البرازيل فجعل منها عملاقا اقتصاديا في سنوات

" خالد علي " الفائز بجائزة المحارب المصري ضد الفساد 2011 التي تبرع بقيمتها لمجموعة لا للمحاكمات العسكرية للمدنيين لم يهبط الميدان بالبارشوت بعد أن صار الميدان للتصوير الفيتوغرافي ولا اقتحم المشهد بدون رصيد له بل أن له دور رائد في الدفاع عن العمال والفلاحين والفقراء في القرى والنجوع والعشوائيات، ومن المدافعين عن المتظاهرين الذين قبض عليهم بسبب دعمهم للانتفاضة الفلسطينية الثانية، وأحد أبرز المدافعين عن المتظاهرين الذين قبض عليهم بسبب احتجاجهم علي غزو العراق عام 2003.

وفي 3 فبراير 2010 وقبل التنحى بأيام اقتحمت مليشات أمن الدولة مركز هشام مبارك والمركز المصرى وكان خالد مدير له واستولت على أجهزة الكمبيوتر والملفات والأوراق وبعض المستندات المهمة وتم اعتقال " خالد علي " وأحمد سيف الاسلام حمد ومعهم الكثير من النشطاء

لم ينضم " خالد علي " لأي حزب في مسار تاريخه وإن كان له ميول يسارية إلا أنه يؤيد المزج بين القطاع العام والقطاع الخاص تحت راية وطن واحد

قضاياه ومواقفه وأرائه منذ نعومة أظافره النقابية والسياسية تشهد له فقد شارك فى تأسيس اللجنة التنسيقية للحقوق والحريات النقابية والعمالية (2001) التي ضمت قيادات عمالية من مواقع مختلفة وشاركت فى مواجهة انتهاكات انتخابات النقابات العمالية عام 2001 وعام 2006، وحصل على عشرات الأحكام القضائية التى حصل عليها بالتعاون مع اللجنة التنسيقية و مركز هشام مبارك ببطلان انتخابات الاتحاد العام للعمال 2006 فساعد علي حل الاتحاد العام للعمال بعد الثورة وهو عضو مؤسس فى جبهة الدفاع عن متظاهري مصر، التي شُكلت عام 2008 استعدادا لدعم انتفاضة المحلة و إضراب 6 أبريل، وصارت منذ ذلك التاريخ وحتى اليوم، من أهم أدوات الدفاع عن حق التظاهر في مواجهة تعسف السلطة وعنفها

في ديسمبر 2009 حصل " خالد علي " على حكم بإنهاء الحراسة القضائية على نقابة المهندسين، وفى مارس 2010 حصل على حكم الحد الأدنى للأجور 1200 ج ، وفى مايو 2010 حصل على أول حكم قضائي يحظر على الحكومة المصرية ترحيل اللاجئين استنادا للاتفاقيات الدولية ..

كما حصل في سنة 2010 على أول حكم بالحبس على رجل أعمال، لأنه أهدر حقوق العمال وربما كانت هذه أول مرة تتحول فيها قضية حقوق عمال إلى قضية جنائية وحصل على حكم بوقف قرار وزير الصحة بخصخصة مستشفيات التأمين الصحي

وحصل " خالد علي " مع صديقه " حمدى الفخرانى " النائب حاليا بمجلس الشعب على أحكام عديدة ببطلان عقد أرض مدينتى وأرض بالم هيلز وحصل " خالد علي " على أحكام ببطلان خصصة شركات عمر أفندي،و طنطا للكتان، وغزل شبين، والمراجل البخارية، والنيل لحليج ا?قطان، والعربية للتجارة الخارجية، لما شابها من فساد استفحل حتى وصل إلى سرقة آلاف المليارات وتشريد مئات الآلاف من العمال ...

و الحصول على حكم قضائي يلزم الحكومة المصرية بصرف معاش شهري لمصابي الثورة.. وحكمين بأحقية الناشط علاء سيف وكل المحبوسين احتياطيا في التصويت في الانتخابات العامة.

" خالد علي " لا يمسك العصا من المنتصف إنما يمسكها من النصف الملتهب بآراء صريحة جادة لا تقبل القسمة على اثنين وبرؤية لا تهادن ولا تنافق ولا تحتمل التأويل

"خالد علي " أو حبيب العمال" و"نصير الغلابة" كما يلقبه عمال المصانع البسطاء لا يحارب لأجل مكسب أو خسارة معركة .. برغم مجموع المعارك القضائية والسياسية الكبيرة التى كسبها لكنه يحارب لفكرة ..ويحارب لأجل برنامج يقدمه للمرشحين المنافسين قبل أن يقدمه للشعب البسيط .. فأنصاره والمقتنعون به قد لا يشغلهم صندوق الانتخابات وهم محقون فكم من المرات أختير لنا .. فهل آن الآوان لنختار لروحنا فكرة .. فكرة طازجة وفكر متجدد .. فكرة أثبتت استبيانات الرأى أن أسهمها في تصاعد مستمر ونسبة المصوتون لخالد علي تتزايد باستمرار الوقت وأنه قريبا قد يكون فرس الرهان الجامح والكاسب

فهل يلزم في دولة العواجيز أن تخسر شجرة " خالد علي " المثمرة لصندوق الأصوات أكثر من مرة حتى يفوز في الآخر كما فاز " لولا داسليفا" بعد أن جرب خسارة الصندوق أكثر من مرة ..

إن أول شعار لحملة " خالد على " : رئيس بكرة .. وهو شعار صحيح وخاطئ فغدا سيكون حقا لهذا الشاب صاحب الأفق الواعى والطرح المتجدد واليوم سيكون له أيضا بما قدمه ويقدمه من رؤي طازجة لم تفسدها لعبة التوازنات .. لكنه ربما كان عيب" خالد علي " أن فكرته / شجرته نبتت وكبرت في دولة العواجيز ..

مقال بقلم : حسام حشيش

بتاريخ  11 / 5 / 2012

نقلاً عن جريدة الواقع

ياااااااااااااااااااااااااراجل

الراجل .. الرجال.... الرجولة .... المرجالة .. الذكر... الذكور ...ولامؤاخذة فى  دى الكلمة" الدكر" بالبلدى كل الكلمات دى من اصل كلمة "رجل" طب ياترى لو دورنا فى قواميس اللغة العربية و معاجمها  هنلاقى  معنى كلمة ذكر او رجل "هوالذي ينتمي إلى جنس الرجال أو الجنس المشابه له في الحيوان والنبات" واااو ايه ده ده طلع نوع زيه زى اى نوغ  خالقة ربنا "واه " يعنى مطلعش نوع من انواع المعادن الثمينة النادر وجودها ...طلع "نوع من انواع  الخليقة"  بالمعنى العام ونوع اخر من الجنس البشرى بالمعنى الخاص  طب امال شايف نفسك وبتتنطط على اهلنا ليه ليه الناس والبيت بيتعملوا معاه  كانه ربنا فوق وهوعلى الارض  كانه النبى المبشر بالجنة " بالمناسبة انا معنديش اخوات اولاد عشان محدش يقولى انها معقدة من البيت"   نرجع لكلامنا انه نوع زى اى نوع من خليقة ربنا.. طيب كل نوع وليه صفاته  بس بصراحة بشوف كتير رجالة مش رجاله اصلا لانه تصرفاتهم وصفاتهم لا تنتمى للرجولة بصلة ولو كنت شايف انك تنتمى للجنس ذكورى وبتصر على ده لمجرد انه عندك " شنب" مثلا احب اقولك"ان كان الرجل بالشنب فالصورصار اعظم الرجال" الرجولة وعلى راى دنيا سمير غانم" الرجولة قلب ومواقف" لكن لماتيجى حضرتك وتمد ايدك على بنت مقصدش عشان هى بنت وانت راجل  لكن اقصد انها انسانه زيها زى حضرتك بالضبط وحط تحت بالظبط دى ميت خط  ده اسميه ايه اسميه رجولة  بالطبع لالالالالالالالالالا  فى الحقيقة مشفتش كائن سورى مشفتش ذكر فى خليقة ربنا  سواء الحيوان او غيره  بيتخلى عن صفاته غير الانسان " الراجل" الست زيها زيك هما مش ناقصات عقل لو عقلها ناقص يبقى ايه يخليك تختار وحده عقلها ناقص الا لو حضرتك تشبها فى نفس التكوين العقلى فى مثل بيقول " الطيور على اشكالها تقع " ولو شايف انها عقلها ناقص اعرف كمان ان اختيارها ناقص  الست زيها زيك حتى لو مقتنعتش بكده  دى حقيقة كونك انك اتولدت راجل ده حضرتك مش بتمن علينا بيه ولا ده من خيرك انت زيك زى اى حد فى الخليقة  بس من نعمته انه ميزك بدل ماتبقى ذكر حيوان  وان كانت فى ناس بتبقى الشكل شكل بنى ادمين والتصرفات تصرفات.... انتوا فاهمين    ميزك بانك انسان اولا نوع" ذكر" ثانيا  اللى عايز اقوله مش  المهم جنسك ايه  المهم  نوعك ايه نوعك حيوان ولا طائر ولا.... انت الاهم من اى حاجة انك انسان ده اللى ربنا ميزك بيه ام جنسك راجل ده نوع زيه زى اى نوع فى الاخر عايز افكر كل راجل انه نقضك للست هونقض لاختيارك ولتربيتك   

                                                                                                                                   انجى الشرقاوى

مذكرات بنت مضروبه فى المترو

هذه التدوينة منقولة من سارة ممدوح

بدأت سارة تسرد مايحدث مع البنات من تحرشات يومياً في عربات المترو

وقد أطلقت على سلسلة مقالاتها أسم (مذكرات بنت مضروبه فى المترو)

وأليكم الجزئين الأول والثاني من هذه السلسلة

الجزء الأول

بصوا بقى انا قررت اكتب مذكراتى فى عربيه السيدات :

انا قررت انى هبدأ بأصعب موقف ممكن اى بنت تتحط فيه وهو ان واحد يضربها ,,, انا هبدأ بالمواقف اللى كان فيها ضرب علشان تعرفوا احنا وصلنا لفين و هتكلم بالاخص على موقفين هما الاهم و الاقوى والاعنف بالنسبه لى و النهارده انا هكلمكم عن اول حادثه ضرب حصلتلى 

 فى مره انا ركبت عربيه السيدات الحمرا اللى هى على طول سيدات لقيتها تقريبا فاضيه بس لقيت فيها واحد عمره مايعديش 24 سنه و معاه بنت و قاعدين مع بعض انا رحت بمنتهى الهدوء قلتله دى عربيه السيدات , قام قاللى بعد الساعه 9 مبيقباش فى الكلام ده قلتله لا دى على طول قاللى وانتى مالك هو انتى المسؤوله ؟؟ انا اول ماسمعته بيقول كده قلتله خلاص انا هجيبلك المسؤول و هتدفع غرامه كمان بقى ,, قامت البنت اللى معاه دى قالتلى انا اخته و هو معايا عادى , قلتلها انتى محرم ليه ذنبنا احنا ايه نبقى محرم كلنا لاخوكى ؟؟؟ و رحت وقفت عند الباب علشان ادور على اى عسكرى من اى محطه هيقف فيها المترو , اللى حصل بقى ان البنت دى اتعصبت جدا و معاها كام واحده تانيين و قالولى انتى مؤذيه وبجحه ماتسبيه قاعد فرضا طلع علينا بلطجى ( وده بقى الرد الشائع فى كل مره ) طيب وانتى ايه اللى عرفك انه مش هو اللى بلطجى ؟ المهم هو قعد يزعق والبنت اللى معاه قعدت تشتم وانا كل ده مبينالهم انى مش خايفه منهم ولا من 10 زيهم حتى علشان كده الولد ده كان خايف منى جدا وكان كل مالبنت تتكلم يقولها ماترديش عالاشكال دى كأن انا اللى غلطانه مثلا لغايه اما جت البنت دى حاولت تضربنى و الناس واقفه بتتفرج و مبيعملوش حاجه غير انهم بيزعقوا مع البنت دى انه ايه المشكله ما يفضل قاعد واللى مكنش بيقول كده مكنش بيتكلم اصلا !!! !!! المهم هو شافها بتعمل كده قام شتمنى شتيمه انا مفهمتهاش وعلشان انا مفهمتهاش عرفت انها شيمه قذره ومن رد فعل الناس اللى حواليا فهمت انها ( قبيحه بالقوى) المهم انا طبعا مردتش عليه بشتايم من نفس نوع شتيمته انا كل اللى انا عملته انى اتنرفزت عليه و بصراحه كان فى شياط طالع من دماغى بس هو اما لقانى لا شتمته بنفس نوع الشتايم ولا قمت عليه اكلته علقه حس ساعتها انه اقوى منى و انه ممكن ياخد بتاره منى ثمن تهزيئى ليه قدام "الستات " فى اللحظه دى قرر هو يضربنى الحمد لله كان فى واحده ست قد ماما واللى كانت الوحيده اللى معايا هى اللى كانت بتحوش عنى الضرب و اخدت بسببى ضرب كتير نتيجه انى انضربت منه و كان فى بينه و بينى الست دى ان صباعى اتجزع و فكى مكنتش بعرف احركه 3 ايام او كنت بحركه بصعوبه ,, و بعد كل ده الناس قالتلى انتى سافله ومتربتيش و تستاهلى علشان انتى بجحه و بتتكلمى مع الناس ببجاحه ( والبجاحه فى نظرهم انى قلتله انزل و اما كان بيهددنى مكنتش بخاف و انى كنت بدورله على عسكرى اطه ,, واما كان بيقول كلام كنت برد عليه و اكسفه قدام كل اللى موجودين ) و انا اصلا دى كانت اكتر مره حافظت فيها على هدوئى مع انى بتعصب كتير فى المواقف اللى زى دى زى ما هتشوفوا بعد كده لمهم الموضوع ده خلص ان اول ما محطه المترو اتفتحت انا قعدت اصرخ لغايه اما الناس اتلمت عليه و الست اللى كانت معايا قعدت تقوللهم كان بيضربها قاموا الرجاله اخدوه و نزلوه و ضربوه عالمحطة .

الجزء الثاني

اليوم التانى اللى هتكلم عنه المره دى كان يوم عجيب من كل النواحى لان محصلتش فيه حادثه اعتداء واحده لأ ده كانوا اكتر من واحده فى نفس الوقت هبدأ من اول ماركبت المترو طلعت لقيت فى ناس كتيييييييييييير قوى رجاله فى المترو وانا متعوده انى اما بلاقى كده بتأكد الاول انها عربيه السيدات الحمراء علشان محدش يقوللى دى الخضراء و نتخانق هى خضراء ولا حمراء ونسيب المشكله الاساسيه , انه راكب فى عربيه السيدات , المهم انا اول ما سألت بصيت لقيت كام بنت تانيين هما كمان بيقولوا لكل الذكور اللى موجودين و للاسف انا مش هقول عليهم " رجاله" ان دى عربيه السيدات حظى كل ما اقول لواحد يقولى ماهو كل الناس قاعدين اهه اشمعنى انا لغايه اما جيت عند واحد قاللى مانا عارف و لو جه عسكرى يدفعنى غرامه هنزل ,, انا بقى مش بس كان فيه شياط طلع من دماغى لأ انا كنت عايزه ارمى نفسى تحت المترو بعد ماقاللى الكلمه دى قلتله طيب انا اسفه انى جيت اتكلمت معاك اصلا اصلى كنت فاكراك واحد مينفعش تركب معانا وللاسف برده هو كان معاه مش بس واحده لأ كان معاه 3 ستات و طبعا هو كان عارف انه متحامى فيهم مش ده موضوعنا المهم اما انا قلتله كده قامت الست بتقوللى عايزه تقولى ايه يعنى ؟؟ قلتلها عايزه اقول انى مكنتش اعرف انه مستنى حته عسكرى ييجى يشده من قفاه و يدفعه غرامه علشان يعمل الصح ,, طبعا هو اتشال واتحط و قعد يزعق سبته يتكلم و اديتله ظهرى ولا كأنه موجود فواحده بتتكلم معايا و الناس وكلامها فى الغالب هو اللى بيزود المشكله هى بتقوللى مينفعش تعملى كده قلتلها مينفعش اعمل ايه واحد بيقوللى انا مبجيش غير بالضرب على قفايا انا غلطانه فى ايه ؟؟؟ قام هو الستات اللى معاه قعدوا يشتموا يشتموا و يزعقوا و الناس قعدت تقوللى انتى كمان بتقولى يتضرب ؟؟ ازاى تقولى كده وهو قعد يقولهم شفتوا ؟ عايزه تضربنى و قلب فيها سهوكه ,, المهم كلمه من واحد على كلمه من واحده جه كام شاب روش كده عاملين قال ايه فيها الشباب الجدعه الى بتهدى قعدوا يقلولى عيب كده و مينفعش تزعقى لراجل اصلا وانتى ازاى بتعملى كده و كلام كتير كده المهم الموضوع سخن مره واحده و اذ فجأه الاقى الولد ده بيرفع الجزمه عليا و بيقوللى انتى لازم تضربى بالجزمه انا ساكتلك من الصبح ,, انا بقى كنت اتعلمت من قبل كده عرفت انى لو بينتله خوفى هينقض عليا و محدش هيحوشه فعلا , قلتله انا مش خايفه منك و قربت منه وقلتله انا اهه ورينى هتضربنى ازاى قام هو عمل زى الفار اللى قعد يقول متحشونيش متحوشونيش و قاموا الشباب الروشه قعدوا يقولوا عيب هتضرب واحده و هى اصلا ماتستاهلش ؟؟؟ ساعتها بقى انا قلتلهم على فكره انتوا كمان غلطانين متعملوش فيها ملايكه انتوا كمان لازم تنزلوا 

يادوبك الموضوع ده حصل ولسه بينزل الجزمه المترو اتفتح و ركب فيه 4 عيال محششين و ممكن يكون كان اكتر من الحشيش طلعوا علينا و كان لسه طبعا الناس كلها فى جدال ما بين المؤيد والمعارض ,, ال 4 دول فضلوا واقفين جنب الباب لغايه اما المترو اتحرك قاموا بدأوا يتعمقوا داخل المترو و بدأوا يقولوا كلام بشع و قذر جدا و كانوا بيتطوحوا جامد كان معانا فى العربيه ساعتها ذكور كتير اللى بمنطق كل ست سايباه و بتتخانق معايا هو " فرضا طلع علينا بلطجى " محدش قام اتحرك من مكانه الستات قعدت تقول للعيال دى انتوا ايه اللى جايبكوا هنا و تزعقلهم على اساس ان كان هييجى معاهم زعيق يعنى ساعتها انا قررت انسحب من الكلام لأن الموضوع دلوقتى مش دفاع عن حق الموضوع ساعتها كان حبة محششين بيتعاملوا قدامى و انا اكيد مش هقدر عليهم انا بقى من كتر المواقف اللى حصلتلى قبل اليوم ده حطيت فى دماغى ان اول ما يبقى فيه خطر استخدم فرمله المترو من غير تفكير , المهم قلعت جزمتى اللى سبحان الله كانت بكعب يومها بعد ما قعدت اتحايل على ناس كتير تدينى اى حاجه اكسر بيها الفرمله و محدش صدق انى ممكن اعمل كده يادوبك قلعت الجزمه بصيت لقيت بقى فى قدامى خط دفاع قدام الفرمله بتاعة المترو كل ده والمحششين دول قاعدين يتوغلوا فى المترو و بيتطوحوا ساعتها انا عملت مجنونه و طحت فى كل اللى واقفين خط دفاع عن فرمله المترو و مش هنسى ابدا جت واحده مسكتنى انا حدفتها من قدامى علشان اعرفهم ان انا اجن من المحششين كمان واللى هيقربلى الوقت ده هيتعور بقى علشان يرضوا انى اوقف المترو من المهزله اللى كانت بتحصل فيه دى المهم كسرت الفرمله بالفعل والمترو وقف ,, الناس تسكت؟؟؟ قعدوا بنتين يصرخوا و يصوتوا يقولوا للناس ادى دلوقتى المترو اللى جاى هيخبط فينا على اساس ان المترو اللى جاى ده مش هيقف فى المحطه اللى كنا فيها مثلا !!! المهم شويه نفس البنتين قعدوا يصوتوا تانى و يقولوا انتى اتسببتى ان المترو داس على واحد و خسرتيينا حياة واحد على اساس ان انا مشيت المترو زياده مش وقفته فجأه !!!!! المهم كل ده واحنا باب المترو مفتوح و محدش بيعبرنا ده غير ان العيال المحششه دول اول ما باب المترو فتح قالوا يا فكيك ,, المهم اما البنتين دول قعدوا يصوتوا انا قلت لازم اروح اطمن بقيت الناس اللى فى العربيه علشان محدش يخاف و كان فى اطفال رحت بقولهم يا جماعه حصل كذا كذا و متخافوش بصيت لقيت شاب من الشباب الروش اللى كان بيحوش عنى الجزمه و بيقوللى متزعقيش عيب جاى هو بقى يضربنى ,, طبعا هو فى اضعف موقف دلوقتى وانا كنت عارفه كده كويس و عارفه انه مش هيقدر يعمللى حاجه و المترو واقف فى نص السكه دليل على مشكله المهم وهو جاى لقيت بنت بتجرى بسرعه تحوشه عنى قلتلها سيبيه هو مش هيعرف يعمللى حاجه قام قايللى انتى ابرد بنى ادمه انا شفتها فى حياتى قلتله ليا الشرف جت البنت دى بتحوش عنى علشان حست انه هيمد ايده تانى قلتلها والله ومايقدر ينزل ايده ابعد من دماغه قام ساعتها راح خابط دماغه فى حيطة المترو و قعد يقولهم دى بارده يا جدعان هههه , ففى بنت بقى معجبهاش بجاحتى وكمان انى وقفت المترو وعطلته لقيتها جايه تجرى عليا عايزه تضربنى ساعتها فى بنات كتير مسكوها و هى قعدت تقوللى انتى موركييش حاجه احنا ورانا بيوت والوقت متأخر والساعه 11 قلتلها انتى مكنتيش مروحه المغرب وانا اللى عطلتلك قامت البنت اللى حاولت تحوش عنى الضرب من الولد دى واخدانى على جنب قالتلى مهمتك انتهت لحد هنا انا بقى اللى هقفلهم هى بصراحه كانت ب 10000000 راجل قالتلهم انتوا كلكوا بتهاجموها علشان انتوا مش عارفين تعملوا زيها قالت اللى هيقربلها انا بقى هضربه بالجزمه و هى كانت تجيب انها ممكن تشرحهم كلهم فى وقت واحد بصراحه ,, المهم فى بنات قامت و قعدتنى و بعدها المترو اتحرك من غير ماحد ييجى يسأل فينا قفل الباب واتحرك , قامت بنت بتقوللى انا ابويا بيتلككلى عالواحده و ممكن يقعدنى من الشغل لو روحت متأخره قلتلها انتى متعرفيش ظروفى انا كمان ايه , قامت فى بنت قعدت تقوللى انتى صح بس اما تحبى توقفى المترو وقفيه فى المحطه !!!!!!!!!!!!!!!!!!!!!!!!!!!!!!!!!!!!!!! انا حقيقى معرفش ازاى مجاليش انهيار عصبى من التعليق ده !!!!!!!! المهم بقى المترو وصل المحطه خلاص و نزل السواق يشوف ايه اللى حصل , طبعا اول ما المترو وقف نزلوا كلهم زى الفراخ حتى كمان اللى كان معترض عليا قالوا مش هنركب مع المجنونه دى نفس المترو المترو فضل فيه ناس قليله قوى ,, المهم اما جه السواق يشوف اللى حصل طبعا فى ناس كتير اتلمت من العربيات التانيه , اول ما عرفت انهم بيشوفوا ايه اللى حصل وبيحققوا انا قمت واحده قامت قالتلى انتى تعملى المصيبه و تمشى استنى الراجل بيحقق قلتلها انا رايحاله انا معملتش حاجه غلط علشان امشى اما رحت للسواق لقيت فى بتاع 10 بنات واقفي بيحكوا للناس والسواق على اللى حصل و لقيتهم بيدافعوا عنى جدا و قالوا مش كفايه انها سكتت على رفع الجزمه ؟؟؟ هى عملت كده علشان كلنا نروح بيوتنا فى سلام قام السواق سأل مين اللى عملت كده بقى قلتله انا قاللى انتى لسه كان هيقول حاجه قامت الناس اللى طلعت تتفرج عاللى حصل شددت السواق من القميص و قالوله انت ناوى تعمل معاها حاجه ولا ايه دى كانت بتدافع عن نفسها لان طبعا كلنا عارفين ان دى فيها مسائله قانونيه لو كان لسبب تافه و قاموا منزلينه من العربيه اصلا و قالولوا اتكل على الله يللا و خلص اليوم الغريب ده الحمد لله على خير من غير ماتضرببالجزمه اللى معرفش هى ازاى كانت قريبه منى كده ولا ازاى فلت من ضرب الشاب الروش ولا من ضرب البنت اللى جت تجرى علشان عطلتها وانا كنت بدافع عن حياتنا !!!!!!!!!

وسنتابع معكم باقي الأجزاء

أمين وأحنا مش فاهمين

معلش أذا كنت هتكلم المره دي بشكل طائفي شويه وكلامي موجه لمسحين مصر وخصوصا اللي عندهم فرصه للتصويت
كلنا كمسيحين عارفين أننا الفتره اللي فاتت في ظل مبارك وأعتقد من قبله أننا مش بنمارس سياسه وده علشان أحنا بنحب نطبق المقوله الشهيره : خلينا جنب الحيييط 
كمان كان القليل أوي اللي بيشارك فينا في الغالب صوته مش مسموع وبيبقي حدث غريب مسيحي مصري شارك برأيه ومخافش
وكأن الخوف والجبن أصبح سمه من سماتنا والجين من جيناتنا نورثه لأولادنا
والحمدلله حصلت الثورة وأنتصرنا وشاركنا فيها كمصريين قبل ما نعرف ديانتنا ايه وفين ولكن ....... 
فيه ناس لسه عايشين فيه يوم 24 يناير بمعني ان مقوله خلينا جنب الحيط دي لسه مسييطره عليهم لأ والأكتر انهم بيحاوله يستشهدوا بأيات من الأنجيل علشان يدعمه موقفهم الصحيح اللي هو: أحنا دورنا نصلي بس لكن المشاركه دي لباقي الناس
وستظل المشكلة مش في الناس اللي بتقول كلام وبس دول لأ فيه الناس المنقادين وراهم وبيقوله أميييين علي اي شئ يقوله وكأن الله لم يخلق لنا عقل نفكر بيه ولو للحظات في كلامهم الذين يدعوا (ذات خبره في الدين والحياه والسياسه و .. الطبخ اي حاجه بالمره أكيد اي حد هيصدقها)
وهنا يأتي علي بالي سؤال:أحنا ليه بنقول يا جماعه السلفيين والأخوان والناس اللي وراهم دي ؟ حرام البلد هتضيع ؟ وألخ....
والناس دي معندهمش دماغ انهم مش بيفكروا ؟؟؟؟ ايه كل حاجه صدق الله العظيم كل حاجه موافقه ؟؟؟
وكأننا خلقنا لأنفسنا جناحات ملائكه ندين بيها غيرنا ولا ندين بها نفسنا وبننسي أننا بنعمل زييهم بالظبط ومنقادين ورا ناس وبس
وعلي فكره كلامي مش ديني يعني مش قصدي منتبعش الناس ونقول أميين - أحب (يعني أبوس) علي أيديكم عايزه اللي يقرا كلامي ميفهموش غير بالمعني اللي أقصده - مع ملاحظه ان مش أي حاجه روحيه برضه نقول عليها أمين وأحنا مش مقتنعيين بيها
بس نرجع لموضوعنا السياسي : وهطرح سؤال أخر: أنت دلوقتي مسيحي ومؤمن بمبادئ الثوره وبتستحمي كل يوم يعني معندكش غلطه
وجت الكنيسه اللي لازم نحترمها ونحطها علي راسنا من فوق قالتلك أنتخب حد مش مبادئه ثوريه ده بس هيحمينا من التيارات الدينيه 
هتعمل ايه حضرتك ؟ أعتقد انك هتوافق وتقول انا هنتخب اللي الكنيسه تقوله - يعني أشمعني انا يعني اللي هنتخب اللي بمزاجي ما ممكن يخسر ما مممكن ما ممكن ما ممكن - سوري الكيبورد علق مع الأعزار الكتير
هحكيلكم عده مواقف: أولا بشتري حاجه من محل أكسسورات وصاحبه المحل بتقولي : ها شفيق ولا موسي ؟ رديت بأسم مرشحي
قالتلي : يا عبيطه ده أخوان - قولتلها مين قالك ده كذه وكذه ودافعت عنه لأن لا علاقه بيه بالتيارات الدينيه
قالتلي أنتي اللي هضيعنا انتي كل شويه تنزليلي حاجات علي النت والناس بتسمع كلامك
ردييت عليها:حد قالهم يسمع كلامي ما يفكروا - ما يقروا - وه 
(وكلمه وه دي منياويه صعيديه تعني الأستغراب علي كلامها)
موقف أخر وانا علي النت بكلم احدي صديقاتي : هاي - هاي - ايه الأخبار- تمام - هتنتخبي مين شفيق ولا عمرو
وكأن الأختيار بينهم فقط ؟ ورديت نفس الردود السابقه
اللي أنا اٌقصده ان مينفعش ننقاد ورا شئ بس عشان قسيس أو خادم أو حد قالنا ده كويس - اه ممكن تنتخب اللي انت عايزه بس لو انت مقتنع بييه - بلاش نعمل زي الناس ونيجي نعيب عليهم - لازم نطلع الخشبه اللي في عنينا قبل ما نطلع القذي اللي في عين أخواتنا
برضه أنا مش قصدي أقولك متختارش فلان وعلان وأختار اللي أنا عايزاه 
أنا بس هسيب معاك فكره تفكر فيها - أفتكر أخوك المسلم اللي مات في الميدان - وأخوك المسيحي اللي مات في ماسبيرو 
وغيرهم اللي ماته في حضن بعض كان نفسهم يتجوزا - وغيرهم اللي أتعري وأتسحل علشان البلد دي تعيش
لو أنت مش مؤمن بالثوره لأن أغلب المسيحين غير مؤمنين بيها يبقي قدر دم اللي مات عشانها وأختار رئيس بدوافع ثوريه مش بدوافع قتل وهجوم وتفرقه بين الوطن الواحد وناس ترجعنا للعهد القديم بتاع الحيط - فاكرينه ؟ :(
أختار اللي أنت عايزه أنت حر


بنت مصريه مسيحيه منقوطه egygirl mn2ota

tota

حكايتى مع المترو - هذه تدوينة نادية عادل بطلة القصة بنفسها

كتبت ناية عادل على صفحتها الشخصية على موقع التواصل الأجتماعي تدوينة تروي فيها تفاصيل ماحدث معها بدايةً من الحادث نفسه وحتى عمل المحضر - كتبت تقول :

"أنا اسمى نادية عادل وقررت احكى تفاصيل كل اللى حصل معاى يوم الاربع 9-5-2012 كنت ف انور السادات على رصيف الجيزة الساعه 10 ونص وطبعا الدنيا زحمة فا انا رحت اركب في عربية السيدات واول ما دخلت لقيت البنات بيتخانقوا فى الاولاد بيقولولهم ينزلوا من عربية السيدات فقط (اللى لونها احمر). فا بدات اساعدهم اننا ننزلهم وهم في قمة البرود محدش بينزل بدانا كلنا نستغيث بالناس اللى على الرصيف وفى ولد جوة العربية عمال يهزر ويضحك ويقول مش نازلين غير انى فهمت بعد كده انه اصلا اللى بدا يضايق البنات. الموضوع طول والمترو لسه واقف والخناقات كبرت الناس اتلموا وبيحاولوا يسكتونا وكان مافيش حد بيضايقنا فى العربية وكانه مافيش حد كاسر القانون اللا اعتراضاتنا. جة ناس عددهم 3 لابسين قميص لبنى عليه علامة المترو ( البادج يعنى) بقوا بيزعقوا فينا جامد ويقولولنا ادخلوا ومش هاننزل حد والمترو لازم يمشي اللى مش عاجبة ينزل يركب المترو اللى بعده .... وهكذا لحد ما الناس دولا -اللى عرفت بعدين انهم مسئولين عن تشغيل المترو- بدأوا يضربونا ويزقونا لجوة جامد كل ما هو قصاد الباب اتضرب... اللى مستفز اكتر من كده ان الناس اللى مش عارفين يتخانقوا وللا يضربوا كانو بيزعقوا فينا ويقولولنا يلعن ابوا الستات وعربيات الستات وناس منهم رفعت الجزم !!! كان في كام شاب معترضين على الموقف ودافعوا عنا (يشكروا) والباقي شغال يصور الموقف وياريت نقدر نوصل لاى حد فيهم .....المترو اتحرك بعد فترة وكنا نزلنا ناس كتير مش كلهم بس كنا تعبنا جدا. وصلت بيتى تعبانة جدا انا واختى وكنا مصدومين من ردود الافعال وكنا منهكين جدا صحيت تانى يوم مش قادرة اتحرك انا جسمى مكسر ومتكدرة روحت شغلي بتاكسي ومديري نادانى فى المكتب وقالى مالك عامله زى اللى واخدين علقه على الصبح بدات احكيله وانا متاثرة ومخنوقه وحالتى حالة والدموع في عينى وصعبان على نفسي من الظلم واباحية القهر والتحرش اللى بقت حاجه علنى ف بلدى قاللى انتى ايه اللى جابك روحى روحى استريحى وتعالى بعد ما تهدى وجسمك يستريح ... مشيت بردة متكدرة.... وانا في طريقى للبيت كلمت غدير الادمن بتاعة البيج (ثورة البنات) قولتلها الموقف وانا شبه محبطة وباقولها لازم نعمل حاجه .. قالتلى نمشيها قانونى لو القانون ماجابش حقنا نفكر ف حاجه نعملها... عجبنى الكلام الموزون ماكدبناش خبر وسالنا ونزلنا نعمل محضر وانا في طريقى ناس جات تساعدنى ماعرفهمش تواصلوا مع البيج وغدير وجم معاى منهم كريم وديفيد وعبدالله اللى جاب المحامى الاستاذ عمرو.. وكان معاى ناس اعرفهم انا .. روحنا على قسم قصر النيل اللي في جاردن سيتى قالولنا احسن حاجه تروحوا على قسم المترو بتاع السادات روحنا هناك قالولنا لازم تروحوا العتبه قسم رابع ايضا داخل المترو وهناك اتعمل المحضر (في تفاصيل حصلت هناك ان في ناس جات من ادارة تشغيل المتروا وماكانش عاجبهم الكلام وقال ايه احنا بنعطل المترو ودقيقة التاخير ب 200 جنية وانتوا اتسببتوا ف تاخيرة 20 دقيقه احسبوها بقى الموضوع استفذنى اكتر فا اصريت على المحضر اكتر و اكتر الاجمل بقى قال ايه معلش هو بعد الثورة كده الدنيا سايبة وبقت ميغا اى حد بيعمل اى حاجة وامن المترو ده مش دورنا ده دور الشرطة وياستى حقك علينا ... طبعا انا عفاريت الدنيا اتنطتت قدامى دول بيراضونى بكلمتين و عاوزين يغرمونى وبيقولوا ان الامن مش بتاعهم دة بتاع الشرطة طب اكتب المحضر ضد ادارة تشغيل المترو اتهمهم بالاهمال ( ماهما لو نفزوا القوانين وطبقوا الغرمات مش هانحتاج شرطة) وضد الشيفت بتاع العاملين بتاع 10 ونص يوم الاربع اتهمهم بالتعدى ... المحامى بتاعى قالهالهم كلمة عجبتنى قوى لما هم بيتحججوا انى لو رحت الادارة فى رمسيس المبنى الكبير اللى هناك ده هاعرف قد ايه هما مضغوطين ومش باديهم اى حاجه المحامى رد وقال والله انا اعرف ان اللى قدها يشغلها واالى مش قدها يقففلها لو وصل بينا الحال اننا مش عارفين ندير اى مشروع عندنا صح يبقى مانديروش او نقفله خالص خصوصا لو بدا يئذينا و ف مين ف بناتنا وستاتنا دى حاجه تكسف... المامور بنفسه كتب المحضر مشكورا والكل هناك كان متعاطف و متضامن ومتفاهم لاقصى حد قالوا لا تيجى ف السيدات عييييييييب قوى واحنا مانرضهاش ده المختصر المفيد بتاع الموضوع كله يومها انا روحت على 12 بالليل برده وفتحت الفيس بوك وتويتر لقيت الدنيا منتشرة والموضوع عامل صدى جامد اكتر ما كنت متوقعه وقلت مادام كده والبنات كلهم عاوزين يضعوا حد للتحرش داخل المترو ويدوا درس للمتعدين والباعه الجائلين والمسئولين يبقى تمام نمشي في الموضوع و مانسيبهوش وهانعمل كل حاجة سوا والتضامن باين من البنات والاولاد الكبار والصغيرين الرجاله والستات .... اللى نفسي فيه ان الموضوع ماينامشي وياخد حيز على جنب او يتركن لكن نفسي تكون قضية مجتمع مش باقول ننضف كل الشوارع من كل المتحرشين لكن على الاقل المترو انا بكل صدق مش فارق معاى اى تعدى شخصي ولا ضرب انا فارق معاى ومعلم في مبادئ مكسوره والمبادئ دى مبادئ قانون يحمى السيدات اللا لا يوجد بيت يخلوا منهم وغلاوتهم في القلب عند الكل بكرة الصبح نازله اعمل بلاغ عند النائب العام وانا متوقعه اشوف رد فعل كويس ويرفض كل ما حدث نفسي كاميرات التصوير تكون بتسجل مع انهم قالوا دى بتراقب فقط مش داخل دماغى برده الكلام دة نفسي كل البنات ياخدوا موقف نفسي الاهالى يبطلوا يقولوا لبناتهم كلمة عيب بلاش هطرة وفضيحه

الفضيحة هى اننا ندفن راسنا فى التراب زى النعام و نسكت مش اننا نقف ضد الغلط نفسي كل الاهالى يبقوا زى اهلى مايقولوش للغلط إللا كلمة (لا) نفسي نبطل نرمى اهمالنا وعدم امانتنا على شماعة الثوره اصل من بعد الثورة بقى في كذا وكذا وكذا

نفسى نبقى ضد كسر القوانين حتى فى الحاجات الصغيرة عشان نبقى ضد كسرة فى الحاجات الكبيرة لو نفكر بايجابية هانلاقى ان كل حاجة ليها حل والف حل كلنا واقفين مع بعض وضد كل ما هو ضد النظام وضد الحرية وضد القانون وضد الاستهبال ."

نادية عادل حكيم

إلى هنا أنتهى كلام (نادية عادل) ... أختم الكلام بجملتين

بنات مصر أمانة في أيديكم يا شباب مصر

تحيا وتعيش ثورة البنات

ثورة البنات - شاهد عيان على قضية نادية عادل وما حدث معها من تعنت من أدارة أمن مترو الأنفاق

مساء الخير والورود والفُل واليسمين على كل شعب مصر خاصةً ثائرات مصر الحرائر وعلى رأسهن :(سميرة أبراهيم ، آية محمد كمال الدكتورة الميدانية بالعباسية والتي تم الأعتداء عليها من قبل كلاب الجيش كسابقتها سميرة ، الفتيات المُعتدى عليهم في أعتصام مجلس الوزراء ، شيرين ثابت مُفجرة فكرة التدوين عن التحرش ، غادير أحمد ونادية عادل من مؤسسات حركة ثورة البنات وأبطال تدويناتي هذه)

اليوم هو الخميس الموافق 10 مايو 2012 ، كنت أجلس على مكتبي كعادتي اليومية أتابع جديد الأخبار والمقالات والتدوينات لأصدقائي أو لبعض الكُتاب الصحفيين الذين أهتم لمتابعتهم وكنت أتصفح صفحات الفيسبوك والتويتر لأصدقائي حتى فجائتني غادير أحمد (إحدى مؤسسات حركة ثورة البنات ) بما كتبته عن صديقتها نادية عادل ، وأليكم ما كتبته غادير على صفحتها : (صديقتى امبارح كانت في المترو الساعه 10 م في عربية السيدات فقط اللي عليها الشارة الحمرا وكان في رجالة في العربية ولما مرضيوش ينزلوا وقفت على الباب واستغاثت بأمن المترو ، الأمن كان رد فعله انه جه ضربها , صاحبتى نازلة تعمل شكوى دلوقتى ياريت لو حد يقدر يساعدها ويروح معاها يقولى لو سمحتوا ولو مش قادر تساعد ياريت تعمل شير يمكن حد يقدر يساعد من اصحابك) ….

أثارت كلماتها حفيظتي وتمنيت لو أستطع مساعدتها ومنع هذه الممارسات الغبية التي يقوم بها هذا النظام الوهابي المتخلف ؛ وتذكرت حينها موقفاً مشابهاً حدث أمامي منذ قرابة الأسبوعين في محطة التحرير ونفس الوقت تقريباً ، حيث دخل بعض الكلاب الضالة بعربية السيدات وحينما أعترضت الفتيات الموجودة بالعربة على هذا وأستنجدوا بأمن المترو ، كان رد فعل مسئولي الأمن بالمترو أأنهم ضربوا البنات ودفعوهوم بالأيدي والأقدام حتى يدخلوهم بالعربة ويغلقوا الباب حتى يتحرك المترو غير مهتمين بكون وجود أختراق لقوانين المترو بوجود ثلاثة من الكلاب داخل عربة السيدات ، فقد كان كل أهتمامهم هو أن يتحرك المترو مبررين ذلك بأن كل دقيقة تأخير في المترو تتكلف 200 جنيه … دا على أساس أن المترو منتظم في مواعيده وتلك الفتيات الضعيفات قد أخلوا بنظام المجتمع …. أحا يعني .

وكمان لو أنتوا يهمكوا أوي مصلحة المجتمع فيجب عليكم ترتيب الأولويات ، فقبل أن تعترضوا على خسارة المال فيجب أن تعترضوا على خسارة الأخلاق التي ضيعتوها بأيديكم .

أظنني أكون منصفاً لو تحدثت عن تأخير المترو على أنه شئ طبيعي فجميعنا يرى كيف أن القطار دائماً يتأخر حتى أنك قد تنتظره أكثر من نصف ساعة ، فهل يُحاسب المسئولين عن هذا ؟؟؟ أما أنكم لا تطبقون القانون إلا على فتيات مصر فقط وتتغاضون عن أنفسكم وكلابكم ؟

مطبقين المبدء الوهابي الجاهلي بأن من حقكم الأعتداء على المرأة وضربها لأنها عوجاء يجوز لكم أصلاحها …. أحا

الكلام دا لا يطبق على بنات مصر

فبنات مصر هن أشرف وأجمل وأرقى وأطهر بنات العالم ….

فقد أتى منهم نفرتيتي وكليوباترا وحاتشبسوت وشجرة الدُرملكات وأميرات مصر بل العالم كله .

وأيضاً سميرة أبراهيم والدكتورة آية محمد اللأي ضربن أقوى أمثلة الشرف والحفاظ عليه بأعتراضهم على كلاب العسكر الذين أعتدوا عليهن .

وأيضاً نبوية موسى إحدى رائدات التعليم والعمل الأجتماعي خلال النصف الأول من القرن العشرين وتلميذتها سميرة موسى عالمة الذرة المصرية ، التي يستفاد من أبحاثها على مستوى العالم كله .

أكرر

(لن يستطيع الجهل والتخلف الزاحف علينا من صحراء البادية الوهابية أن يسطو على بنات مصر)

أعود لكم لبطلة هذه التدوينة (نادية عادل) …. وسأحكي لكم بعض تفاصيل ماحدث معها حين ذهبت إلى أدارة المترو لعمل محضر بخصوص ما حدث معها كشاهد عيان على تعنت الجهات الأدارية المسئولة .

قد عرفنا سابقاً أنها توجهت لأدارة المترو لعمل محضر من الساعة الثانية من ظهر يوم الخميس الموافق 10 مايو 2012 لكنهم بدأوا يمارسوا معها كل أشكال التعنت والمماطلة والتعريص والأستهبال وكل حاجة مُقرفة ممكن تتخيلوها ، وبدأوا يرسلوها من مكتب لمكتب ومن أدارة لأدارة ومن مكان لمكان حتى حلول الساعة التاسعة مساءً حيث وصلت أخيراً إلى قسم رابع مترو الأنفاق بمحطة مترو العتبة وهنا أيضاً بدأوا يماطلون معها أيضاً حتى الساعة العاشرة والنصف تقريباً حين بدأوا أخيراً في كتابة المحضر بعد أن رأوا أصرار نادية ومن معها على المحضر ، مما جعلني أسقط عليهم المثل القائل :"مايجوش غير بالدق على دماغهم"

إليكم جانب من بعض المهاترات التي حدثت خلال مماطلتهم مع نادية ومن معها :

• مسئول أدارة المترو بيقولها أن موظفي المترو بيتضربوا دائماً من الناس ويسكتوا ، لازم أحنا كمان نسكت … أحا
  
• "ماينفعش أعمل تحقيق إلا لما أعرف مين الموظف اللي ضربك وأعرف هو عمل كدا ليه ؟؟؟؟"دا على أساس أن التحقيق اللي أنت عاوز تعمله مع الموظف هايكون بصفتك جوز أمه ولا أيه بالظبط ؟؟؟
  وكمان هاتعرفه أزاي من غير مايكون في محضر للتحقيق .وكمان قال جملة حلوة خالص قبلها … "وأنا أعرف اللي ضربك دا أزاي ؟؟" يعني لامؤخذة كدا هو أنتوا مش عندكم دفاتر تبين ورديات كل موظف أو عامل ولا أنتوا شغالين ببركة دعاء الوالدين ؟
  
• لما قالتله أن دي مش أول مرة يحصل فيها كدا .. رد عليها برد غبي قوي :"طيب ماعملتوش محضر قبل كدا ليه ؟"والنبي حد يُرد بدالي علشان أن لساني زفر .

أنهي تدوينتي إلى هنا على وعد بمحاولة أن أتابع لكم الموقف أولاً بأول …..

لكن قبل أن أترككم أنقل لكم ماكتبته غادير أحمد على صفحتها بعد أن أجرت مكالمة تليفونية مع نادية عادل :

(نادية عادل : عضوة من ثورة البنات منذ التأسيس

كانت شبه مقيمة في ثورة البنات بتتابع اول بأول

وبتشارك ومتضامنة مع اغلب المواضيع اللى بنطرحها

اتعرفت عليها شخصية من حوالي اسبوعين وبقينا اصحاب

اتفاجئت ب نادية عادل النهاردا بتتصل بيا وهي منهارة

وبتحكيلي إنها اتضربت من أمن المترو امبارح بالليل

الأربعاء 10 مايو 2012

نادية كانت بتتصل بيا تقولى انها عاوزة تعمل حملة على الصفحة

قولتلها لو عاوزة حملة ابدأي بنفسك وانزلى خدي حقك

قالتلى اعمل ايه انا مستعدة اعمل اي حاجة

قولتلها انزلى روحي إدارة المترو قدمي شكوى

واطلعى على القسم اعملى محضر واضمني حقك

وبالفعل اتشجعت جداا وكلمت لها اصحابي كريم ابو زيد وعبد الله المعلاوي

خدوا محامي وراحوا معاها القسم حرروا المحضر

وبنعلن إن نادية عادل عضوة من أعضاء الصفحة والصفحة مسئولة مسئولية كاملة عن تطورات قضية نادية عادل

ومش هنسيبها غير لما تاخد حقها بالشكل اللى يضمن إن محدش هيحصله كده تاني

الغريب إن نانسي مكنش معاها شهود

لكن الأغرب إن الشاهدة الوحيدة تقرا الإعلان الخاص بقضية نادية عادل

هنا على صفحة ثورة البنات

أيوة الشاهدة الوحيدة عضوة تانية من الصفحة

وأيوة إحنا كلنا واقفين جنب بعض لحد ما حقوقنا ترجع

ودي قصة الإعتداء اللى حصل لنادية عادل من أمن المترو

--

نادية عادل

بنت مصرية بتركب المترو زينا كلنا , نادية كانت راجعة من كنيسة قصر الدوبارة بعد صلاة من أجل مصر كل اسبوع يوم الإثنين والأربعاء ، إمبارح نادية اتأخرت وخرجت من الكنيسة الساعه 10 الا ربع بالليل ودخلت محطة مترو السادات علشان تركب وتروح بيتها زي كل مرة بس المرة دى كانت مختلفة ، نادية لما مشيت على رصيف الجيزة علشان تركب عربية السيدات فقط "اللى عليها الاستيكر الأحمر" واللى بتكون للسيدات فقط طول اليوم حتى بعد الساعه تسعة ، لقت خناقة وبنت واقفة بتتخانق وماسكة باب المترو علشان في شوية "ذكور" ركبوا عربية السيدات وكل الستات كانوا بيزعقوا ، نادية مسكت الباب علشان المترو ميقفلش وقالت للبنت حاولى تنزليهم وانا همسكلك الباب لأن إحنا مش كل يوم هنسكت على الوضع ده ، طبعا اللى بيركب مترو بعد الساعه 9 عارف ان الموضوع ده منتشر بس المرة دى قرروا يكونوا إيجابيين ويوقفوا الغلط ، فضل باب المترو مفتوح وكل الستات في العربية مستائين ومع ذلك الذكور مرضيوش ينزلوا برضو ، لحد لما أمن المترو وصل وبدل ما يمنع المخالفة دى وينزلهم من عربية السيدات ، اعتدي على البنات اللى ماسكين الباب بالضرب بالإيد وبالأحذية ، طبعا البنات مقدروش يستحملوا الضرب وباب المترو اتقفل ومشيت العربية ، طبعا نادية كانت منهارة وروحت منهارة واعصابها تعبانة وحست إن حقوقها ضايعة في بلدها ، في بلدها الستات بيتضربوا بالجزم وسلامات لأيام زمان لما كانت الست تستغيث بحد وكان يغيثها مش يمد إيده عليها ويرفع جزمته ويضربها ، نادية كانت ناوية تسكت لكن لما خرجت النهاردا حاولت تركب مترو وبعد ما قطعت التذكرة طلعت من المحطة وراحت خدت تاكسي لحد الشغل ، بس قالت ولو لمرة تاخد حقها في بلدها ونزلت عملت محضر ضد إدارة المترو اللى حاولوا يحلوا الموضوع ودي لكن فشلوا لما لاقوها مصممة على المحضر قالولها لو المترو مش عاجبك مكنتيش ركبتى و قالولها انتى عطلتى المترو لمدة تلت ساعة يعنى 20 دقيقة والدقيقة بـ200 جنيه يعنى عليكي لإدارة المترو 4000 جنيه غرامة ،بس هي صممت على موقفها وقالتلهم انا هاخد حقي منكم ، علشان كلمة واحدة بس : بنات مصر متنضربش بالجزم .

نادية حاسة بالإهانة , حاسة إن ملهاش حق في بلدها ، ملهاش قيمة ولا أهمية

انشروا وادعموا نادية عادل واقفوا جنبها ولو حتى على النت

عرفوا الناس بقضيتها وعرفوهم بقذارة وتدليس الهيئات الحكومية في مصر

حق نادية عادل ، حق كل بنات مصر .

---

آخر تطورات قضية نادية عادل

تم تحرير محضر ضد ادارة تشغيل المترو برقم 3/22 قسم رابع مترو الانفاق هايروح النيابة يوم الاتنين

نادية مكنش معاها شهود

لكن المفاجأة إن الشاهدة الوحيدة هى عضوة في ثورة البنات

شافت الخبر على الصفحة وقررت تشهد مع نادية عادل

قررت متبقاش سلبية وتقول وانا مالى

وقررت تروح النيابة تشهد بالواقعة وبالضرب والإعتداء على نادية واللى معاها

لسه فينا نخوة ولسه الخير منتهاش

حق نادية عادل ، حق كل بنت في مصر

---

ثورة البنات هتشيل من جوانا السلبية

هتخلينا نصرخ بالحق في وش الظلم

مش هنسيب حقوقنا ولا حقوق غيرنا تاني

ثورة البنات قدمت كتير ولسه هتقدم أكتر وأكتر

كلنا مع بعض هنرجع حقوقنا)

ياليت كل بنات مصر يفعلون هكذا …................

أصرخي وقوي أنا بنت مصر أشرف وأعظم بنات مصر

أنا كليوباترا .. أنا حاتشبسوت

أنا الملكة شجرة الدُر

أصرخي وقولي الحيوان دا بيتحرش بيا ….

الحيوان دا أهان كرامتي …........... ماتسكتيش عن حقك وكرامتك في بلدك

وياليت المنظمات الحقوقية وخاصةً النسوية منها تترك مكاتبها المكيفة وتنزل لتقف بجوار تلك الفتاة المنتهكة داخل بلدها … حتى تُثبت أنها حقاً تتحدث وتفعل لا مجرد كلمات في الهواء .

"دا لينك التدوينة على جوجل "ثورة البنات